​محـمد گل مومند د مومندو له قبیلې څخه د محـمد خورشید زوی په ۱۸۸۵ز کال کې په کابل کې زېـږېـدلی دئ. لومړنۍ زده کړې ﺌـې بشپړې او ورپسې په ۱۹۰۹ز کال کې حربي ښوونځي کې شامل سو او پینځه کاله وروسته فارغ سو. په شاهي ټولگي کې ښوونکی. د اردلي د جزوتام بولندوی. د سپه سالار صالح محـمد خان یاور. د سلطنتي گارد بولندوی. امیرامان الله خان په ۱۹۱۹ز کال کې تاشکند ته د یوې مأموریت لپاره ولـېـږﮤ. د افغان – انگلیس په درېیمې جگړې کې ﺌـې گډون وکړ.

 په ۱۹۲۱ز کال کې په تورکیې کې پوځي اتشه. د پکتیا د ولایت د ځواکونو بولندوی او په ۱۹۲۴ز کال کې د پکتیا حاکم. په ۱۹۲۷ز کال کې د مزار دولایت د ملکي تفتیش رﺌـیس. په ۱۹۲۸ز کال کې د ننگرهار بولندوی. د حبیب الله کلکاني دواکمنۍ پر مهال له نادرخان او هاشم خان سره وو. په ۱۹۲۹ز کال کې د کورنیو چارو وزیر. د ننگرهار رﺌـیس تنظیمیه او وروسته د کاپیسا د ولایت رﺌـیس تنظیمیه. په ۱۹۳۲ز کال کې د کندهار او فراه رﺌـیس تنظیمیه (په کندهار کې ﺌـې د عبدالحی حبیـبـي په شان د پښتـنو نشنلیستانو محافظت وکړ)؛ د قطغن، بدخشان ، مزار او میمنې د ولایتونو رﺌـیس تنظیمیه.

په ۱۹۴۰ز کال کې  ددولت وزیر (وزیر الدولة). وروسته متقاعد سو. په ۱۹۵۵ز کال کې د لویې جرگې مرستیال رﺌـیس. محـمد گل مومند یو سرتیر، سیاستوال او پښتون نشنلیست وو. د څو کتابونو مؤلف دئ؛ ددغو کتابونو په منځ کې یو ﺌـې پښتو قاموس دئ چې «سیند» نومــېـږي. د اعلی لمر/ لمر ِ اعلی مډال ﺌـې اخیستی دئ.

لیکوال: لودویگ آدمک
ژباړونکي: رحمت آریا