​په ۱۸۷۸ز کال کې زېـږېـدلی دئ. د سردار عبدالله خان زوی دئ، عبدالله خان چې د ایوب خان لپاره ﺌـې جگړه کوله  په گرشک کې ووژل سو. ډگروال. "سردار اعلی". محـمد زی دئ. د ۲۴ کالو لپاره په فارس کې مهاجر وو. په ۱۹۰۶ز کال کې کابل ته راستون سو او د پولیسو د بولندوی مرستیال یا ناﺌـب کوټوال مقرر سو. په ۱۹۱۵ز کال کې په هندوستان کې د هندوستان ددولت لپاره د افغان استازي په توگه مقرر سو.

 په ۱۹۱۹ز کال کې ﺌـې دنده پای ته ورسـېـدله او په همدې کال فارس کې وزیر مختار مقرر سو او همدلته له رضا خان سره آشنا سو، دا هماغه رضا خان وو چې وروسته رضا شاه سو. په ۱۹۲۵ز کال کې کابل ته راستون سو او د باندنیو چارو د وزارت مرستیال وزیر مقرر سو.  د ۱۹۲۶ز کال په اپریل کې د باندنیو چارو د وزارت کفیل مقررسو. ذ ۱۹۲۶ز کال په جون کې په روم کې افغان مختار وزیر مقرر سو. د ۱۹۲۷ز کال په فبرورۍ کې د رضا شاه په دربار کې په تهران کې وزیر مختار مقرر سو.

په ۱۹۲۸ز کال کې له دې دندې لـېـرې سو. د ۱۹۲۹ز کال د فبرورۍ په میاشت کې تر هندوستان پورې د الوتکې په وسیلې لاړ او له هندوستان څخه فرانسې ته لاړ چې له نادر خان سره مرکه وکړي. د ۱۹۲۹ز کال د نوامبر په میاشت کې کابل ته راستون سو. د هغـﮥ دوه زامن عبدالحسین عزیز او عبدالحمید عزیز د افغان حکومت رسمي مأمورین سول. اولادې ﺌـې د ،عزیز، کورنی نوم غوره کړ.

لیکوال: لودویگ آدمک
ژباړونکي: رحمت آریا