محـمد اسمٰعیل دانش د ۱۹۳۹ز کال د مارچ د میاشتې په ۷ نـېـټې په کابل کې (په یوې شیعه چنداولۍ کورنۍ) کې زېـږېـدلی دئ. په ۱۹۵۷ز کال کې د حبـیـبـیې له لیسې څخه فارغ سوی دئ. له ۱۹۵۸ تر ۱۹۶۰ز کال پورې د کابل پوهنتون د انجنیرۍ پوهنځي ته تللی دئ. په ۱۹۶۶ز کال کې ﺌـې خپل لیسانس د لویدیځې ویرجینیا له پوهنتون څخه د ماین په کیندنو کې تر لاسه کړ.  په ۱۹۷۳ز کال کې ﺌـې خپله ماستري په فزیک کې د مسکو له پیداگوژیکي انستیتیوت څخه تر لاسه کړه.  په ۱۹۶۴ز کال کې د کانونو او صنایعو په وزارت کې د ماین کیندونو انجنیر. د ۱۹۶۵ز کال د مارچ په میاشت کې د عسکري د مکلفیت دورې د تــېــرولو لپاره لاړ.

په ۱۹۶۶ز کال کې د خلق ډیموکراټیک گوند د مرکزي کمیټې علی البدل غړی سو.  په ۱۹۶۷ز کال کې ﺌـې د صوف په درې کې د عمومي مدیر د مرستیال په توگه کار وکړ. د ۱۹۶۸ز کال د مارچ په میاشت کې ﺌـې د کابل د پولیتخنیک په انستیتیوت کې د فزیک د استاد په توگه کار وکړ. د ۱۹۷۴ز کال د مارچ په میاشت کې ﺌـې د کابل د پولیتخنیک په انستیتیوت کې د فزیک تدریس وکړ. د ۱۹۷۸ز کال د اپریل په میاشت کې د کانونو او صنایعو وزیر سو. دانش د حفیظ الله امین له پرځـېـدلو وروسته، د افغانستان د خلق ډیموکراټیک گوند د پرچمي واکمنۍ په راتلو سره خپل کاري دریځ وساتـﮥ. د مرکزي کمیټې او د انقلابي شوری غړی. د ۱۹۸۱ز کال د جون له میاشتې نیولې د ۱۹۸۵ز کال د نوامبر تر میاشتې پورې د سیاسي بیرو علی البدل غړی. د ۱۹۸۵ز کال په دسمبر کې د لیبیا سفیر.

یکوال: لودویگ آدمک
ژباړونکي: رحمت آریا